НОВ CITROËN MY AMI POP: СВЕЖ, ДИНАМИЧЕН ЛИК ЗА УШТЕ ПОВЕЌЕ КАРАКТЕР

• Citroën My Ami Pop го менува стилот кон подинамичен карактер и сега носи нов спортски лик однапред, како и нови графички потписи кои играат со контрастот светли бои и форми.
• Оваа „спортска“ верзија на Ami, со својата препознатлива графика и заден спојлер, придонесува за успехот на полноправно општествениот феномен: продадени се повеќе од 43.000 единици од неговото претставување, обезбедувајќи вистинско решение за предизвиците на електричната микро – мобилност.
• My Ami Pop е достапен е достапен за нарачка само во 12 земји каде веќе се продава

Poissy, 7 ноември, 2023 година – Citroën ја освежува својата верзија My Ami Pop со нов дизајн кој го нагласува разиграниот, младешки и спортски карактер. My Ami Pop е една од многуте карактери што ги нуди Ami, кој освои повеќе од 43.000 клиенти од претставувањето, а 80% од нив се одлучија за персонализирана верзија.

„Со новиот преден лик, сакавме новиот My Ami Pop да го направиме впечатлив и препознатлив за сите, дури и од 100 метри далечина. Со својот заден спојлер, My Ami Pop веќе може да се пофали со препознатлива спортска силуета. Со внесување нови бои и графички елементи, стилските атрибути го зајакнаа енергичниот карактер на Ami, истовремено повторувајќи го динамичното возење што клиентите го уживаат во електричниот режим“, рече Antoine Gaillot-Drevon, дизајнер за надворешност.

НОВ НАДВОРЕШЕН ВИЗУАЛЕН ИДЕНТИТЕТ ЗА MY AMI POP

My Ami Pop ги задржа сите специфични карактеристики на надворешноста што придонесоа за неговиот успех: 4 облоги за тркала, 1 црна графичка лента под ветробранското стакло, 1 засилување на предниот и задниот браник, 1 заден спојлер, 2 налепници за аголот на страничното стакло, 2 налепници на праговите од вратите .

Во својот нов изглед, My Ami Pop претрпува промена на бојата, со воведувањето на инфрацрвена како доминантна нијанса. Воочливо, налепниците на праговите на вратите и стаклата преминаа од портокалова во инфрацрвена боја, вистинска препознатлива боја на палетата на Citroën.

Дополнително, My Ami Pop еволуира со:

 

Нов изглед на предниот дел

Новиот My Ami Pop се издвојува со полесно препознатлива надворешност. Новите рамки на предните светла ја надополнуваат црната лента со шеврони под ветробранско стакло и црното засилување на браникот и двете карактеристични за верзијата Pop. Овој многу графички, структуриран нов преден дел му дава препознатлив и наметлив изглед.

Повеќе графички елементи и контраст за налепницата на вратата

My Ami Pop има нови графички елементи за да му даде посвеж, попрепознатлив изглед.

Налепницата на вратата, главна карактеристика на оваа верзија, дава дополнителен карактер и влијание. Декорацијата на панелот го задржува бројот 2 кој веќе беше прикажан кај My Ami Pop, што е знак на уникатниот пристап на Ами кон мобилноста. „2 е омилениот број на Citroën Ami: 2 патници, 2 идентични врати, 2 идентични предни и задни браници, 2 идентични крила…“, продолжи Antoine Gaillot-Drevon.

Нова анимација на аголниот панелот

Налепницата со три линии на аголниот панел е заменета со нов декоративен елемент – круг. Претставен во две половини, едната целосна, а другата само со рамка, го зајакнува графичкиот стил на новиот My Ami Pop и ги повторува кружните форми и тркалезните светла на автомобилот. Служи како потсетник за кругот на панелот на дното на вратите.

Имајте предвид дека овој пакет за персонализација сè уште го поставуваат професионалци пред испорака.

ВНАТРЕШНОСТ: МОБИЛНОСТ И ПОВРЗУВАЊЕ

Ново: За подобрена ергономија My Ami Pop го воведува избирачот за возење во централната конзола. Сите контроли се повидливи и поедноставни за избирање. Заедно со копчињата RND, корисниците на Ami лесно ќе го најдат USB приклучокот, контролата на вентилацијата, предупредувањето за опасност и контролите за греење/одмаглување. Избирачот за возење во централната конзола ќе биде достапен и кај останатите верзии на Ami во првиот квартал од 2024 година.

Кај My Ami Pop, корисниците ќе ја најдат сета стандардна опрема што го поедноставува секојдневниот живот, со функционални додатоци како што се држач за паметен телефон, мрежи за вратите, централна мрежа за разделување, патосници и кутија за поврзување Dat@mi за поврзување на нивниот паметен телефон со Ami и пристап до сите нивни податоци (достапен опсег за возење, километража, предупредувања за одржување итн.). За информации и забава, има интерфејс My Ami Play, кој го претвора вашиот паметен телефон во контролна табла со брз пристап до функциите за навигација, музика и радио, а ви овозможува и да телефонирате. Се контролираат од далечина со копче Citroën Switch кое се наоѓа на управувачот, за да може да го задржите погледот на патот и да возите безбедно.

МОЖНОСТ ЗА НАРАЧКА ЗА ГРАДЕЊЕ НА КОМЕРЦИЈАЛЕН УСПЕХ

Ami од неговото комерцијално претставување во април 2020 година, веќе освои повеќе од 43.000 клиенти во 12 различни земји. Неодамна претставен и во Швајцарија, островот Реунион, Мартиник и Гвадалупе, Ami и понатаму ја докажува својата популарност, а наскоро ќе биде претставен и во Данска, Словенија и Бугарија.

Новиот My Ami Pop е достапен за нарачка само во 12 земји каде веќе се продава, а првите испораки се очекуваат во првиот квартал на 2024 година.