CITROËN СО ДВОЈНА КРУНА СЕ ВРАЌА ВО ЛОВ ПО ТИТУЛА!

Брилијантно сигурниот и конкурентен, C3 WRC на Sébastien Ogier – Juliene Ingrassia и Esapekka Lappi Janne Ferm, убедливо им ја потврди двојната круна на Релито Турција и најави сериозно враќање на француската екипа во борба за светска титула.

Оваа двојна круна е првата од ваков тип по Релито Аргентина во 2015 и вкупно трета за Citroën Total World Rally Team, по победите во Монте Карло и Мексико. Со ова тие го заземаа деветиот и десетиот подиум оваа година. Воедно сето ова допринесе и за враќање на тимот и неверојатно брзиот и робусен C3 WRC на челна позиција и да се прикаже одлучноста оваа недела за борба во самиот шампионат. Резултатот претставува одлична вест и за Sébastien Ogier и за Julien Ingrassia кои се вратија на втората позиција, со само седумнаесет поени позади лидерите, со преостанати деведесет поени кои треба да се стекнат во преостанатите три трки во сезоната.