Нов Citroën C5 X

Новиот Citroën C5 X се издвојува во прилично традиционалниот сегмент.
Вратата од багажниот простор обезбедува широко отворање и низок праг на товарење.
Долгиот капак на моторот, контурите, високо поставена средишна линија и го прават различен и аеродинамичен.
Издолжената линија на кровот завршува со лебдечки и аеродинамичен спојлер во горниот дел. Вториот спојлер во сјајна црна боја обезбедува потисна сила и стабилност при сопирање.

Издигнататиот став на новиот Citroën C5 X се должи на поголемото растојание од тлото во споредба со традиционалниот седан, како и тркалата со голем дијаметар (720 mm).
Овозможена е повисока положба при возење, за поголема безбедност и видливост.

Новиот Citroën C5 X го носи новиот светлосен потпис на Citroën во форма на буквата V, однапред и одзади, за прв пат претставен кај новиот C4.
Издвојувајќи се од останатите и веднаш препознатлив како Citroën, впечатлив дење и ноќе, ја нагласува исклучителната силуета на новиот Citroën C5 X.
Овој hi-tech светлосен потпис вклучува LED светла во сите нивоа на опрема.

Новиот Citroën C5 X нуди избор помеѓу 6 метализирани или бисерни бои на каросерија:
. Сива Amazonite;
. Бела Nacré;
. Сива Magnétique;
. Сива Platinium;
. Сива Acier;
. Црна Perla Nera.
Освен последната, секоја боја на каросерија може да се комбинира со кров во Црна Perla Nera боја, со што дополнително се нагласува елеганцијата на возилото.

Верен на филозофијата за персонализација на гамата Citroën, новиот C5 X нуди оригинални и префинети амбиенти на внатрешноста, овозможувајќи да го обликувате патничкиот дел според вашата замисла.
Покрај серискиот амбиент, достапни се уште 5 амбиенти на внатрешност:
. Амбиент Urban Grey;
. Амбиент Metropolitan Grey;
. Амбиент Metropolitan Blue;
. Амбиент Hype Black;
. Амбиент Hype Adamantium.

. Сериски амбиент: Ткаенина со сиви шеврони/ Црна ткаенина
. Амбиент Urban Grey : Ткаенина со сиви шеврони / Ткаенина со ефект на црна кожа

. Амбиент Metropolitan Grey : Црна кожа/ Ткаенина со ефект на црна кожа / Ткаенина со ефект на сива Nixon
. Амбиент Metropolitan Blue : Црна кожа / Ткаенина со ефект на црна кожа/ Ткаенина со ефект на сина Saphir кожа

. Амбиент Hype Black: црна кожа со перфорации во форма на шеврони
. Амбиент Hype Adamantium : црна кожа/ Adamantium кожа со перфорации во облик на шеврони

Патничкиот дел оддава впечаток на смиреност и просторност со вниманието на деталите, материјалите и боите :
. Високо квалитетни ткаенини и кожа, инспирирани од светот на патувањата и багажот.
. Три опции за декор, вклучувајќи изглед со текстура на дрво со дезен од шеврони.
. Меки материјали на површините во контакт со возачот и патниците: наслони, централна конзола, лента на контролната табла …

Ексклузивитетот на Citroën, дизајниран да го возобнови ефектот на летечки килим од култните модели на Citroën, за да се совладаат препреки, дупки и други неправилности на патот, активното потпирање Citroën Advanced Comfort®, природно е дел од опремата и кај Citroën C5 X.
Plug-in hybrid верзијата на Citroën C5 X дополнително го подобрува комфорот нудејќи, за прв пат во светот, активно потпирање Citroën Advanced Comfort, комбинирајќи Прогресивни хидраулични перничиња ® со активна контрола на потпирање. Возилото го адаптира потпирањето на секое тркало да биде помеко или поцврсто, во зависност од дадените услови.
Сензорите го анализираат патот и неправилностите, ги пренесуваат информациите на компјутер за континуирано одредување на правилна конфигурација што ќе обезбеди максимален комфор за сите патници.
Покрај ESP сензорите, контролираното потпирање има сензори за вертикална положба и брзина на тркалата, за анализа на движењето на каросеријата и ритамот на возење.
Контролираното потпирање овозможува совршен комфор при премин на патот во прави делници и прецизно управување во свиоците.

Дизајнирана во духот на дневна соба, внатрешноста на новиот Citroën C5 X ја изразува технологијата и просторот во возилото благодарение на дарежливиот волумен и затегнатите линии.
Прочистените површини и вниманието на детали создаваат чувство на благосостојба. Бројни површини, кои изгледаат како да лебдат благодарение на индиректното осветлување, даваат чувство на леснотија и елеганција.

Седиштата Advanced Comfort кај новиот Citroën C5 X претставуваат поим за комфор при седење, за да се чувствувате како дома во својата дневна соба. Нудат уникатен прием и визуелна удобност благодарение на специфично штепување, како душек. Динамичниот и постурален комфор е обезбеде благодарение на текстил со голема густина и задебелен структуриран сунѓер, овозможувајќи да се чувствувате опуштено, дури и по најдолгите патувања.

Просторноста беше во центарот на вниманието во Citroën при дизајнирањето на C5 X. Напред, комфорните седишта и елегантната контролна табла нудат огромен и непречен простор за престој.
Секој патник е поканет да се одмори и опушти преку исклучителен простор наменет за нозете, пријатна ширина, како и дарежлив простор наменет за главата. Вистинска покана за патување апсолутен комфор.

Новиот Citroën C5 X има дарежлив волумен на багажениот простор, дизјаниран во духот на караван, со широк и четириаголен отвор, низок праг за товарење и прави ѕидови. Исто така, овозможува рамен под кога задното седиште е преклопено.
За да се затскрие содржината во багажниот дел, вратата на багажниот простор е опремена со прицврстен капак за багаж што го олеснува товарењето. За да не се изненадите кога се отвора и затвора, моторизираната врата има функција за отворање без раце.

Просторноста е подобрена со значителна светлина благодарение на стаклените површини од 360° околу автомобилот, вклучувајќи ги и  задните стакла, како и големиот застаклен отвор на покривот што пропушта многу светлина*.

Акустиката кај новиот Citroën C5 X е особено добро изведена, со цел да се усоврши благосостојбата во патничката кабина и патувањата да преминат во вистински моменти на релаксација.
Акустично обложените предни и задните стакла овозможуваат исклучителна изолација од надворешната бучава.

Проширениот Head Up Display ги проектира сите основни информации за возењето на ветробранското стакло од возилото, во боја и со голема димензија, директно во видното поле на возачот.
Оваа функционалност, конфигурирана и адаптирана според потребите на возачот, ја зголемува безбедноста и смиреноста при возењето затоа што повеќе не е потребно да се тргне погледот од патот за да се добијат информации за брзината, возењето, поврзаната навигација или медиуми, како и управување со телефон.

Новиот Citroën C5 X нуди широка палета системи за помош при возењето за подобрен комфор и безбедност за возачот и патниците.
Освен подолу прикажаните, возилото нуди и Active Safety Brake, Предупредување за опасност од судир, Адаптивен темпомат со функција Stop & Go, Контрола на стабилност при влечење …

. Предупредување за намалено внимание на возачот
. Автоматско менување на светла
. Highway driver assist
Особено погоден за брзите патишта и автопати, му овозможува на возачот делумно да го делегира возењето.

. Влез и стартување на возилото hands-free
. Vision 360
. Предупредување за сообраќај одзади Предупредува каква било опасност – пешак, мотор, велосипед или возило – во близина при движење наназад. Многу корисно, особено во град, предупредувањето ја зголемува безбедноста.

. Активно предупредување за ненамерно преминување на коловозна линија
. Проширено препознавање на сообраќајните знаци за ограничување на брзината и препораки
. Систем за надгледување на мртвиот агол на голема далечина
Последното, многу корисно за брзи патишта или автопати, му укажува на возачот присуство на возило во мртвите агли, до 70 m зад C5 X, благодарение на портокалова диода во аголот на надворешните ретровизори.